Kryeministri Edi Rama ka premtuar sërish rritje të pagave për mësuesit gjatë prezantimit të programit për arsimin. Ai ka thënë se në mandatin tjetër pagat do rriten me 40%, ndërsa është ndalue edhe tek univeristetet. Rama tha se PD ka “marrë në qafë” breza studentësh me shit-blerje diplomash. Sipas Ramës PS ka bërë të mundur vlerësimin e secilit ispas meritës dhe për këtë është krenar.
“Nuk mjaftojnë pagat e mësuesve, në mandatin tjetër do t’i rrisim me 40%. Nuk mjaftojnë ata që kemi bërë me universitetet. Universitetet kur këta, e nxorën kokën, sapo dëgjuan fjalën universitet. Këta që duhet të rikthehen, janë ata që morën në qafë breza studentësh me shit-blerje të diplomës. Duke krijuar sistemin më të kapur nga plagjiatura, duke e kthyer hyrjen në universitet në një biznes, në dëm të talentit, konkurrencës dhe meritës. Jam krenar për një arritje që e kam prekur, jetuar, shijuar, vlerësuar, maturantët pa lekë, pa krushq, pa miq, por ama me 10-ta dhe dije të spikatura. Që nga majat e maleve deri në qytete. Që falë rivendosjes së konkurrencës dhe meritës, në fakt vendosjes dhe konkurrencës së meritës për herë të parë të këtij tranziciopni, i gjen çdo fundverë në krye të listave hyrëse, zotër të vetes dhe gurë të rëndë në vend të vet”, tha Rama.
Kryeministri nuk ka humbur rastin as të sulmojë kundërshtarin duke thënë se duan ta lënë arsimin në dotë të Mark Markut dhe Agron Gjekmarkajt, referuar dy kandidatëve të PD për deputetë që vijnë nga bota akademike.
“Sot mitingjet e kryeministrit në oborret e shkollave, ku fëmijët dëgjonin të sharat për opozitën duken si pjellë e një fantazie të shthurur, por kur drejtonin këta që duan të rikthehen në drejtim për ta vënë në arsimin në hyqmin e Markut, të Gjekmarkut ishte realiteti i hidhur i marrëdhënies së pushtetit me shkollat.
Ja ku i keni tre ministrat e arsimit të KÇK-së, dy personazhe autosatirike, të klubeve të natës mediatike dhe një zonjë e njohur vetëm për fjalorin sharje shifës, foltore më foltore. Të tre reaksionarë, sharëxhinj, si sharrëxhinj, sharroj me sharr dhe si sharëxhi, shaj e shaj”, deklaroi Rama.
