U përfol jo pak ikja e kryeministrit Rama gati “në arrati” ditën e sotme pas përfundimit të seancës plenare, por mesa duket paska pasur një takim me rëndësi të veçantë.
Rama ka qenë i ftuar mbrëmjen e sotme në një intervistë për televizionin italian ‘Rai Uno’ për emisionin ‘Porta a Porta’ me gazetarin Bruno Vespa.
Mësohet se kryeministri do të jetë përballë një paneli të ftuarish dhe tema kryesore do të jetë për zhvillimet e fundit politike në vendin tonë dhe rëndësia e tyre.
Kryeministri ka publikuar një foto në studion e emisionit, ku shfaqet me kostum dhe atlete të bardha, stil ky, që është komentuar dhe ka ngjallur reagime në opinionin publik.
Intervista do të transmetohet në orën 23:05 minuta në televizionin italian, mirëpo nëse dëshironi ta ndiqni, mund ta bëni edhe nëpërmjet “ERTV”.
