Kryeministri Edi Rama ka qenë ditën e sotme në Ankara ku ka pasur bashkëbisedime të detajuara me spiërmarrje të ekselencës turke. Rama bëri me dije me anë të një postimi në Fecbook se në takim është folur për ndërtimin e një fabrike të 7 llojeve të vaksinave që do të jetë në zemër të një qendre të klasit të parë të prodhimit farmaceutik. Më tej Rama bën me dije se një qendër e kërkimit shkencor do të hapet në periferi të Tiranës që do të jetë katalizator i transformimit ekonomik e social dhe krijimit të vendeve cilësore të punës për të rinjtë
Postimi i plotë i Ramës:
Ankara – Ditë bashkëbisedimesh të detajuara me sipërmarrje të ekselencës turke për:
* Ndërtimin e fabrikës së 7 llojeve të vaksinave, si zemra e një qendre të klasit të parë të prodhimit farmaceutik
* Teknopark Albania, një qendër e teknologjisë së lartë në periferi të kryeqytetit, për kompanitë HighTech, Start Up-et e kërkimin shkencor, sipas modelit të suksesshëm të jetësuar në Turqi, si katalizator i transformimit ekonomik e social dhe krijimit të vendeve cilësore të punës për të rinjtë
* Sistemin e kontrollit të territorit të vendit me dronë superinteligjentë, për prodhimin e të dhënave në kohë reale mbi rrugët, bregdetin, tokën bujqësore, pyjet, rendin publik natyrisht e të tjera akoma
* Programin e Mandatit të Tretë për infrastrukturën kombëtare
