Rama ndan rrugët me Valdrin Pjetrin: Edhe vëllai im të jetë nuk toleroj

Google+ Pinterest LinkedIn Tumblr +

Pak ditë më parë, Partia Demokratike i bëri një kërkesë urgjente Prokurorisë së Përgjithshme për të verifikuar pastërtinë e figurës së Valdrin Pjetrit. Ky i fundit u regjistrua në votime si kandidat i PS për Bashkinë e Shkodrës.

Sipas kërkesës së firmosur nga Sekretari i Përgjithshëm i PD, Gazment Bardhi, ekzistojnë të dhëna dhe dëshmi të forta publike së Pjetri nuk mund të ushtrojë funksion publik për shkak të ligjit të dekriminalizimit.

Siç u paralajmërua edhe ditën e djeshme nga PD për publikimin e disa dokumentave, sot Gazment Bardhi i ka publikuar ato që u premtoi të gjithëve.

Këto dokumente i përkasin Kuesturës së Firencës në Itali. Nga këto dokumente provohet dënimi i dhënë për Valdrin Pjetrin, 16 vite më parë.

I shpejtë ka qenë edhe reagimi i kryeministrit Rama në rrjetin social Twitter.

Rama shprehet se rrugët e PS dhe të kryebashkiakut të ri të Shkodrës, tashmë janë të ndara edhe sikur vëllai i tij të ishte Valdrin Pjetri.

“Jo Valdrini,  po vëllai im të jetë, s’ka shans të hedhë asnjë hije dyshimi mbi PS dhe mbi mua, në raport me ligjin e me besnikërinë ndaj popullit! Përgjegjësia për çdo akt individual të padenjë është individuale.Përgjegjësia jonë është si reagojmë ndaj një akti të padenjë individual!

I edukuar, i zoti, i respektuar familjarisht në Shkodër e kudo ka punuar, po kjo s’mjafton më! Kurrë s’kam menduar se Valdrini mund të fshehë të vërtetën në raport me ligjin, po deri kur e vërteta ligjore të dalë, Valdrin Pjetri dhe Partia Socialiste i kanë rrugët e ndara plotësisht.

E me këtë rast, të tërë ta fusin mirë në kokë:Unë s’kam ndërmend të toleroj askënd dhe as të marr përsipër raportin individual me ligjin të askujt!Shkoj në luftë për çdo ide,qëllim a shok armësh,po kosto veprimesh individuale të dyshuara si ky,as marr më,as lejoj më t’i marrë PS!”, shkruan Rama në Twitter.

Shpërndaje
Share.

Komento