Kryeministri Edi Rama ka lëshuar një goditje ndaj kryebashkiakut Erion Veliaj për fundvit.
Gjatë një konference për shtyp ai ka theksuar angazhimin e tij për reformën në drejtësi dhe pastrimin e sistemit nga korrupsioni.
Qëllimet kryesore të reformës janë që të hiqen duart e pushtetit politik nga drejtësia.
E para është e habitshme për mua që prej vitesh i përgjigjem kësaj pyetje dhe se kuptojnë ça them unë. Dua t’ju kujtoj se ajo që po ndodh me drejtësinë nuk është e shkëputur nga ajo që kam thënë, janë bashkë, kur unë kam thënë nuk janë njerëzit që korruptojnë sistemin por sistemi njerëzit nuk e kam shpikur unë është dituri publike kjo e kam mësuar dhe e besoj 100%. Pikërisht se kam besuar atë që kam thënë kam udhëhequr përpjekjen e reformës në drejtësi për të ndërtuar një sistem që njerëzit nuk mund ta korruptojnë.
Kur thoni shumë njerëz nuk e di me çfarë e masni këtë dhe varet nga çfarë pike referimi nisesh për të thënë shumë apo pak.
PS ka mbështetës do ketë më shumë në pranverë. Në tre mandate kemi patur mbi 50 ministra, mbi 500 drejtues vendorë, mund të ketë patur mbi 200 deputetë. Çfarë do të thotë shumë, shumë çfarë?
E dyta patjetër se, ju dhe kush të dojë mund të thotë që reformën në drejtësi e solli Amerika me aeroplan dhe BE me vapor nga Brindisi. Për këdo që do të njohë refomën në drejtësi mjafton të kthehet mbrapa në histori kur ishim në opozitë, që janë me dokumente ka një dokument të shkruar nga opozita e asaj kohe se jeni mësuar me opozitën pa shkirm e këndim një dokument propozimesh që quhej pakti për shtetin e së drejtës, është dokument dhe lexoni aty çfarë thotë ai pakt ka prap më mbrapa ka shënime të mbledhura të programit të PS në opozitë do bëjmë reformë në drejtësi.
Do ta heqim drejtësinë nga duart e pushtetit politik dhe keni përballë qeverinë dëshmitare. Ju çuditërisht kujtoni se kur më thoni ja kapën të gjitha ja morën. Ça më kapën? Është habi e madhe shumë nuk ka problem secili ka këndvështrimin e vet.
A do ta pastrojmë llumin nga sistemi i drejtësisë? Janë fjalitë e mia. Është pastruar apo jo vettingu? Si ishte kjo? Me kë po flisni, kujt po ia thoni këtë? Kur kemi thënë në mënyrë të përsëritur që duam një drejtësi as majtas as djathtas të godasë kë duhet të godasë, mendoni se kam bërë retorikë? Kam menduar çdo gjë që kam thënë. Në kuptimin që i besoj.
Nuk jam këtu për të ngrënë pula dhe as për të shijuar jetën si e kuptojnë jetën ata që kanë më shumë vetura sesa çorape”, tha Rama.
