Kryeministri Edi Rama, ishte në një takim me qytetarët e Kamzës, në kuadër të zgjedhjeve elektorale të 25 prillit. Kryeministri iu kërkoi qytetarëve votën, teksa i cilësoi si njerëz punëtor dhe vazhdoi më tej duke thënë se nuk i intereson në qoftë se janë të majtë apo të djathtë, por i intereson dora e tyre me kallo.
“Në mundemi që dielli që ka filluar të ngrohë përsëri nga një mrekulli që vizitojnë Shqipërinë në një burim ngrohtësie për çdo familje shqiptare, por ama ka një kusht të thjeshtë.
Ka një kusht shumë të thjeshtë dhe unë ja them këtë sy më sy të gjithë atyre që janë baballarë dhe nëna, të gjithë atyre që i kanë duart me kallo, nuk më intereson nëse janë të majtë dhe të djathtë. Më intereson dora e tyre me kallo, me kallo nga lufta e përditshme dhe nga puna pa u lodhur.
Atyre ju them. Kushti është që të punojmë akoma më shumë. Kushti është që të mos presim këmbë mbi këmbë, kushti është që të jemi të bashkuar për shtëpinë tonë të përbashkët dhe mos biem pre e atyre që na ofrojnë lekë. Kushti është që mos harrojmë çfarë i ka ndodhur kur kanë qenë të lodhur dhe pa pritur i ka ardhure dikush që ti bëjë jetën rrafsh, që nga Haxhi Qamili deri tek Rapush Xhaferri”, tha Rama.
Kryeministri i vendit preku sërish dietën e sotme vaksinën dhe tha se ajo është e gjitha meritë e politikës dhe se pa të nuk do ishte e mundur të vaksinoheshin 300 mijë qytetarë.
“Ka një fakt të vërtetë, që politika nuk ka bërë për Kamzën as 1 të njëmijtën të asaj që çdo kryefamiljar ka bërë për familjen e vet. Kamza është vendi ku mund të flasësh pas asnjë gajle se mos nuk të kuptojnë për faktin se kush mendon se politika është kot dhe e keqe, gabon rëndë, sepse ishte politika që e la Kamzën pa asnjë shpresë për një çerdhe të denje për fëmijët, pa shpresë për kopsht, për shkollë, për kanalizime dhe ujësjellës. Vetëm rrugë rrugë. Është politika që sot po i bën të mundura këto.
Po të mos ishte për politikën ne sot nuk do të kishim prekur numrin 300 mijë të vaksinuar. Po mos ishte politika, qindra mijëra gjyshër dhe gjyshe nuk do ishin çliruar. Nuk do buzëqeshnin dhe nuk do të jetonin gëzimin për të takua nipërit dhe mbesat. Vaksinat nuk erdhën nga qelli, i silli politik. Ashtu sikundër politika mund të na linte pa vaksina. Edhe rindërtimin po e bën politika. Sot Shqipëria po del nga tuneli i pandemisë dhe po del shumë më shpejt se shumë vende të tjera”., u shpreh kryeministri Rama nga Kamza.
