Ditën e djeshme Durrësi ka mirëpritur kryeministrin Rama, ndërsa ditën e sotme i pranishëm ka qenë kreu i Partisë Demokratike, Lulzim Basha.
Basha duke u fokusuar tek fjalimi i djeshëm i Ramës i cili e quajti liderin demokrat “lider pa hallate”, i ka kthyer përgjigjen nga i njëjti vend.
Duke mos e kursyer ironinë, Basha ka thënë se sa herë ndodh që Rama të përmend apo merret me një nga pjesët e trupit, e ka një hall.
Sipas tij ai përpiqet që të fshehë atë që nuk e fsheh dot më kurrë, që bota e tregon me gisht si kryehajdutin e Ballkanit.
“Sa herë del para jush dhe ngërdheshet si majmun, sa herë që del para jush e shanë opozitën apo merret me pjesët e mia të trupit, e bën shaka ka një hall, të fshehë atë që nuk e fsheh dot më kurrë që bota e tregon me gisht si kryehajdutin e Ballkanit, si Maduron e Ballkanit që shqiptarët do ta shporrin”, u shpreh Basha.
