Kryeministri Edi Rama ka përsëritur vendimin për mbylljen e rrjetit social TikTok në Shqipëri për një periudhë njëvjeçare.
Në konferencën e fundvitit me gazetarët, Rama deklaroi se zbatimi i këtij vendimi do të kërkojë 6 deri në 8 javë për arsye teknologjike. Vendimi i qeverisë është marrë në kuadër të masave për mbrojtjen e të rinjve dhe përmirësimin e sistemit arsimor.
Gjatë një bashkëbisedimi me prindër më 21 janar, Rama e cilësoi TikTok-un si një “rrugaç lagjeje” që ndikon negativisht tek fëmijët.
Ai theksoi se ky rrjet social përmban “përversitete, rrugaçëri dhe përmbajtje të dëmshme”. Për këtë arsye, qeveria ka vendosur ta ndalojë për një vit, duke nisur nga data e zbatimit të masës.
Rama gjithashtu prezantoi iniciativën për implementimin e programeve smart në shkolla, që do t’i mundësojnë prindërve monitorimin e fëmijëve dhe do të përmirësojnë komunikimin mes prindërve dhe institucioneve arsimore.
