Kryeministri Edi Rama ndodhet ditën e sotme në Durrës ku ka takuar qytetarët në kuadër të fushatës elektorale. Ai ka deklaruar se vaksinimi masiv do të bëjë të mundur një sezon turistik më të lehtë. Po ashtu Rama ka thënë se kufiri me Kosovën do të jetë i hapur.
‘’Besoj që sot realisht mund të buzëqeshni sepse me sigurimin e sasive të konsiderueshme të vaksinave, që na japin mundësinë të nisim vaksinimin intensiv ne faktikisht vëmë një bazë të arsyeshme për të pasur sezon turistik më të lehtë.
Ne kemi mësuar nga sezoni i shkuar që ishte jashtëzakonisht sfidues për shkak të pandemisë, dhe patjetër që edhe këtë vit ne në radhë të parë do të sigurojmë që kufiri ynë me Kosovën të jetë absolutisht i hapur. Në radhë të dytë do të bëjmë gjithçka na takon që në aspektin e kornizës së aktivitetit turistik, gjithë ju dhe kolegët tuaj të kenë sa më pak shtrëngesa”. Ka thwnw Rama.
Më tej Rama ka thënë se synohet vaksinimi masiv brenda muajit qershor e deri atëherë të jenë vaksinuar gjysmë milionë qytetarë. Rama tha se është e rëndësishme që të jemi të rregullt me vaksinimin pasi është themelor për këputjen e hallkave.
Së treti duke pasur mundësinë që të bëjmë një vaksinim intensiv, ne do të zhvillojmë me shumë këmbëngulje të gjithë procesin e vaksinimit me synimin që brenda muajit qershor maksimumi, por duke shpresuar deri në fund të majit të vaksinojmë gjysëm milion qytetarë.
Vaksinimi është themelor është për këputjen e hallkave. Shumë e rëndësishme që me vaksinimin të jemi të rregullt, se pastaj bëhemi ne pengesa për të dalë nga ky tunel ku më në fund po shohim dritë. Dhe besoj që faktet flasin vetë. Lidhur me ndryshimin e rëndësishëm që ka ndodhur në sektorin e turizmit. Të gjithë eksperiencat tuaja, dhe çfarë kemi dëgjuar, potenciali është ende shumë i madh, dhe mundësitë janë të mëdha” – tha Rama.
