Damian Gjiknuri do të jetë sekretari i ri përgjithshëm i Partisë Socialiste. vetë kryeministri Edi Rama e konfirmoi diçka të tillë, duke thënë se ka vlerësim të madh për punën e Taulant Ballës, por ai ka mbajtur “dy kunguj në një sqetull”, nisur nga fakti se ka qenë edhe krytar i Grupit Parlamentar. Blendi Klosi do të jetë Sekretari i ri Orgaizativ, ndërsa do të krijohet edhe një Akademi Politike.
“Fitoret tona e kanë bazën te gatishmëria jonë që të zgjohemi më herët se të gjithë të tjerët dhe të flemë më vonë se tjerët. Nuk mund të zjgohen më vonë e të flenë më herët dhe të mundon PS. Po arritën të zjogdhëm e të flenë kur e bëjmë ne, kanë mundësi.
Do ta ndryshojmë sot komplet Sekretariatin e PS. Drejtuesit politikë të qarqeve propozoj t’i quajmë kryetarë të PS në qarqe. Sekretariati i ri ekzekutiv do të ketë rolin më të vështirë, në memorien time, sepse duhet të bashkëpunojë ngushtësisht me Akademinë Politike.
Në grupin Servet Pëllumbi, Lindita Nikolla, Ervin Bushati, Arbjan Mazniku, si dhe disa akademikë të huaj. Sekretari i Përgjithshëm do të jetë Damian Gjiknuri. Unë kam vlerësimin më të madh për Taulant Ballën, në krye të kësaj detyre. Blendi Klosi do të jetë Sekretari Organizativ”, tha Rama.
