Kryeministri Edi Rama e ka nisur këtë të hënë me një kërkesë të përsëritur tashmë, dëshira për të patur një mandat të tretë.
Prej kohësh tashmë kryeminsitri Rama nuk jep më premtime, por kërkon vetëm përmbushjen e premtimeve të vjetra, që mesa duket nuk i ka mjaftuar koha e tetë viteve.
Mes të tjerash kryeministri sjell në vëmendje pandeminë dhe tërmetin, që sipas tij është arritur të menaxhohet me suskes.
Ndërkohë vlen të përmendim qindra banorë që ende pas dy vitesh jetojnë në çadra. Gjithashtu dhe pandeminë, ku renditemi vendi i parë në Europë për numrin e vdekjeve nga Covid-19, sipas të dhënave të Instat.
Mesazhi i plotë i Ramës:
Kemi marrë goditje të rënda dhe jemi përballur me sfida të mëdha.
E di që disa prej jush jeni të pakënaqur që nuk janë përmbushur të gjitha pritshmëritë e këtij mandati të dytë.
As unë s’jam i kënaqur, jo sot, por asnjëherë! Por të mos harrojmë çfarë kemi hequr në çdo hap në këto kohë kaq të mallkuara.
Paga minimale është rritur me një të tretën,plot 36% që nga fillimi i punës nën drejtimin tonë.
Bluzat e bardha dhe mësuesit paguhen sot shumë më mirë.
Taksa për afro 100 mijë biznese të vogla është bërë zero.
Kantieret e ndërtimit janë më të shumtë se asnjëherë tjetër nëpër të gjithë Shqipërinë.
Nga ky janar paga minimale sapo u rrit me 15%.
Ka nisur aplikimi për naftën pa taksa për 70 mijë fermerë të regjistruar.
Pavarësisht krizave reale dhe të thella nga tërmeti deri te pandemia dhe pengesave artificiale e të shumta nga politika,
ne kemi vazhduar të shkojmë përpara.
Për të gjithë ata që duan të punojnë, jo të flenë apo të shikojnë me sy hapur ëndrra që i kanë zhgënjyer shqiptarët më shumë se njëherë, nuk ka kohë për pushim.
