Ditën e sotme u bë publike videoja tronditëse, ku ish-efektivi i policisë Nevaldo Hajdari shfaqej duke qëlluar me armë ndaj Klodian Rashës, edhe pse ky i fundit dukej se nuk kishte bërë asnjë farë rezistence apo veprimi agresiv ndaj policëve. Hajdari shfaqet në video duke e ndjekur Rashës dhe pasi rrëzohet qëllon dy herë ndë drejtim të tij. Rasha nuk ecën shumë hapa, ndërsa shembet në tokë dhe humbën jetën pak më vonë. Gjatë kësaj kohe afrohet Hajdari, i cili më pas thërret edhe kolegun e vet. Videoja e publikuar rrëzoi poshtë pretendimet fillestare të policisë se viktima Klodian Rasha kishte armë zjarri
Ndërkohë, gazetari Flamuar Vezaj ka zbuluar detaje edhe më tronditëse i ftuar në “Çim Peka live”. Vezaj ka bërë të ditur se videoja e publikuar ditën e sotme është mbyllur në kasafortë nga policia që në momentin e parë, ndërsa atë e kanë parë Rama dhe politikanë të tjerë. Sipas Vezajt, kjo ishte arsyeja e vizitave të tyre në familjen e Rashës, ndërsa edhe vetë kryeministri e dinte çfarë përmbanin pamjet.
“Kjo videon ekziston në dosje që në momentin e parë por është mbyllur në kasafortë nga policia me ndihmën edhe të prokurorit sepse nuk donin që kjo video të dilte në publik për shkak të impaktit që do jepte. Kjo prova ekziston që në momentin e parë të ngjarjes. Ata i kanë parë këtë pamje filmike dhe unë jam bazuar nga këto pamje të këtyre kamerave që në atë kohë janë mbyllur në kasafortë edhe më urdhër të Drejtorit të Përgjithshëm apo ministrit të Brendshëm.
Kjo video nuk i është vënë në dispozicion as familjes. Këto janë fshehur më qëllim nga policia. Po ta mbani mend, politikanë të ndryshëm, Rama e disa të tjerë, u turrën në shtëpinë e familjes Rasha, dhe kjo për faktin se ata e dinin çfarë përmbanin pamjet, i kishin parë. Ajo që më bën përshtypje është përse lind nevoja për të shpikur pistoletën e Rashës, për ta inkriminuar viktimën, kur kishin parë gjithçka. Pamjet janë parë e sekuestruar që natën e krimit, është procedurë. Dhe të gjitha vizitat në familje u bënë për t’i qetësuar dhe që protesta të mos agravoheshin më shumë se sa u bënë. Vetë Rama e dinte se çfarë kishin pamjet”, tha Vezaj.
Ai tregoi më tej se familja e të ndjerit i ka kërkuar pamjet dhe nuk ia kanë vënë në dispozicion. Por ajo që e rëndon më shumë situatën, është fakti se deklarat e policisë ku thuhej se Rasha kishte armë, ka ardhur pasi pamjet janë parë.
Edhe familja i ka kërkuar këto pamje dhe nuk i janë vënë në dispozicion.
Po pse ia veshën viktimës një armë që nuk kishte, ndërkohë që pamjet e videos i kishin?!
Deklarata e policisë që implikon viktimën është bërë pasi kishin parë pamjet filmike dhe kjo e bën edhe më të rëndë situatën”,
