Kryeministri Edi Rama pas nënshkrimit të disa marrëveshjeve ka zhvilluar një konferencë të përbashkët me Presidentin francez Emmanuel Macron. Në fjalën e tij Rama tha se goditja e emigrimit ilegal që është bërë vitet e fundit në bashkëpunim me Francën ka qenë shembull për të tjerët. Rama theksoi se Franca ka qenë e gatshme të bashkëpunojnë me Shqipërinë lidhur me këto tema.
“Presidenti dhe qeveria franceze janë treguar të durueshëm në procesin e vështirë që ne kemi bërë kundër kriminalitetit dhe emigrimit të paligjshëm. Kanë qenë të gatshëm të bashkëpunojnë me ne e për hir të vërtetës bashkëpunimi në nivelin e sigurisë dhe kundër migracionit të paligjshëm është kthyer në një model dhe për të tjerët. Ky model ka shërbyer për të shpjeguar se si mund të thellohet lufta kundër emigracionit të paligjshëm në origjinë.”-tha Rama.
