Para një jave, kryeministri Edi Rama bëri të ditur se do të legalizohet kanabisi për arsye mjekësore në bazë të shumicës së përgjigjeve në platformën e Këshillimit Kombëtar.
Por në fakt, qytetarët janë shumë skeptik në lidhje me legalizimin e kanabisit për arsye mjekësore duke vendosur theksin se më shumë se drejt shërimit, do të jetë në ‘ilaç’ drejt vdekjes.
Qytetarët e Elbasanit të pyetur nga “Faxnews” janë shprehur ky vendim do të sjellë degradimin e shoqërisë shqiptare dhe do të rrisë fenomenet negative. Dyshues ndaj menaxhimit që do ti bëjë policia e shtetit kërkojnë hapa pas. Edhe pse kryeministri thotë se legalizimi i kanabisit do të hapë vende pune qytetarët elbasanas nuk mendojnë njëlloj.
“Unë nuk jam dakort se këtu edhe përfitohet, përfiton edhe rinia, se është i legalizuar, i druhemi pasojave”. “Këta kanabisin do ta legalizojnë për interesat e tyre, e legalizojnë për interesat e tyre, janë hajdutër, kriminela. Për shëndetësinë ndikon ajo, po flitet në tërësi. Këta e kanë për veten e tyre. Kryeministri nuk do ta dijë për qytetarët. Kombi ka ikur. Ku vendet e punës, ku do i hapi. I kanë ikur të gjithë njerëzit, vetëm mashtuesa, mos e pacin të gjatë”.
“Legalizimi është formati që ta legalizojnë për qëllime fitimi, pse u dashka miratuar këtu. Nuk hapen fronte të reja pune, fare. Mund ta marrim në Kanada apo në shtete të tjera. Behet për qëllime fitimi”.
Por ka qytetarë dhe si ky i moshuar që thotë se jemi në demokraci e për pasojë cdo gjë duhet të jetë e lire, përfshirë kanabisin, alkoolin etj.
“Të hapen, demokracia hashashin po, fëmnën po, rakinë po, drogën i ka të gjitha gjërat. Më mirë bëhet, je i lirë, shko ku të duash. Unë dua Saliun, e kam qejf, Femrat po, bëjnë qejf rinia”.
Nisur nga rezultatet nga Këshilli Kombëtar, Rama thotë se 60% e shqiptarëve kanë votuar pro legalizimit të kanabisit për qëllime mjekësore. Ndërsa, 29% e tyre janë shprehur kundër, në pyetësorin që sipas kreut të qeverisë kanë marrë pjesë rreth gjysmë milion shqiptarë.
