Qindra njerëz plotësisht të vaksinuar në Angli janë tështruar në spital të infektuar me variantin Delta. Në përditësimin e fundit të COVID-19, Instituti i Shëndetit Publik të Anglisë (PHE) paralajmëroi se kishte shenja të hershme që njerëzit që janë vaksinuar mund të jenë në gjendje të transmetojnë llojin Delta aq lehtë sa ata që nuk kanë marrë ende ndonjë dozë.
Nga 19 korriku deri më 2 gusht, 55.1 përqind e 1,467 personave të shtruar në spital me variantin Delta ishin të pavaksinuar, tha PHE, ndërsa 34.9 përqind – ose 512 persona – kishin marrë dy doza.
Anglia hoqi pjesën më të madhe të kufizimeve në 19 korrik, ndërsa vaksinat e përdorura në aty janë të gjitha me dy doza, Pfizer, Moderna dhe AstraZeneca. Rreth 75 përqind e popullsisë së rritur në Mbretërinë e Bashkuar ka marrë dy të doza deri më sot.
“Vaksinimi është mjeti më i mirë që kemi për të mbajtur veten dhe të dashurit tanë nga rreziku i sëmundjeve serioze që mund të paraqesë COVID-19,” tha PHE në një deklaratë.
“Sidoqoftë, ne gjithashtu duhet të mbajmë mend se vaksinat nuk eliminojnë çdo rrezik: është ende e mundur që të infektohemi me COVID-19 dhe të infektojmë edhe të tjerët”, shtuan ata.
Gjetjet e PHE përputhen me ato nga Qendra e Shteteve të Bashkuara për Kontrollin dhe Parandalimin e Sëmundjeve, të cilët javën e kaluar ngritën shqetësime se njerëzit e vaksinuar të infektuar me Delta mund, ndryshe nga variantet e tjera, ta transmetojnë atë me lehtësi.
