Teksa Shqipëria ka vendosur embargon me Rusinë në kuadër të masave ndërshkuese të Bashkimit Europian, duket se së fundmi ky kufizim po zbehet.
Evdentohen anije që nisen nga portet ruse mbërrijnë në Portin e Durrësit në një periudhë që BE-ja i ka vendosur embargo produkteve ruse. Gazetari Basir Çollaku ka denoncuar një tjetër rast, ku sipas tij Rusia kryeson në Durrës.
‘Tre anije me mallra ruse janë nisur nga portet ruse drejt Durrësit dhe pritet mbërritja e tyre deri në datë 30’, shkruan Çollaku në Facebook.
“Rusia kryeson në Durrës! Tre anije me mallra ruse nisen nga portet ruse drejt Durrësit dhe pritet mbërritja e tyre deri me datë 30..
Kujt i plasi për embargon…”, shkruan gazetari Basi Çollaku.
Vlen të theksojmë se embargo është një masë që merr qeveria e një vendi për të ndaluar që të nxirren jashtë ose të sillen nga jashtë mallra, prodhime, valuta etj.; ndalim i tregtisë me një shtet tjetër.
Shqipëria ka ndaluar importimin e drejtpërdrejt, apo të tërthortë të naftës ruse.
Embargoja ndalon edhe përdorimin e territorit të Shqipërisë si tranzit për naftën e prodhuar, apo tregtuar nga kompani që janë nën bllokadën e vendosur nga Bashkimi Europian prej 3 qershorit të këtij viti. Vendimi i Qeverisë bazohet te rregullorja e miratuar nga Këshilli i Bashkimit Europian për masat shtrënguese ndaj Rusisë si përgjigje ndaj agresionit të saj në Ukrainë.
