Një shqiptar, 23 vjeç, ka rënë në prangat e policisë italiane.
Ai është konfliktuar me një person tjetër jashtë një lokali në Albairate.
Ngjarja ka ndodhur para disë ditësh, por vetëm së fundmi është publikuar në mediat fqinje.
23-vjeçari ka parë të fejuarën e tij në shoqërinë e një personi tjetër.
Kaq ka mjaftuar që ai të nxirrte një thikë e të kërcënonte personin në fjalë.
Më pas, konflikti është përcjellë jashtë lokalit.
Ai ka marrë një armë zjarri dhe ka qëlluar nga jashtë, në drejtim të objektivit.
Fatmirësisht, plumbi ka kapur vetëm grilën e lokalit.
Sipas informacioneve paraprake, shqiptari ka qenë nën efektin e alkoolit.
Ai është arratisur, por policia arriti ta gjente.
Tashmë mbi të rëndojnë dy akuza: ‘Tentativë për vrasje’ dhe ‘Armëmbajtje pa leje’.
