Policia e Vorës ka arrestuar një 30-vjeçar, A.C., i akuzuar për qëllim me armë zjarri në drejtim të banesës së dy vëllezërve në Tiranë.
Ai ka precedentë kriminalë dhe akuzohet për “Mbajtje pa leje dhe prodhim armësh”, “Kanosje” dhe “Prishje të qetësisë publike” në bashkëpunim.
Ngjarja ka ndodhur në tetor 2023, pas një konflikti për motive të dobëta, kur A.C. dhe një tjetër i dyshuar, L.L., qëlluan me armë në drejtim të shtëpisë së dy vëllezërve në Domje.
Gjykata ka caktuar masën “Arrest me burg” për 30-vjeçarin.
Njoftimi i Policisë:
Tiranë/Finalizohet operacioni policor i koduar “Over”, për kapjen e personave të shpallur në kërkim kombëtar.
Kapet dhe ndalohet një 30-vjeçar i shpallur në kërkim për veprat penale “Mbajtja pa leje dhe prodhimi i armëve, armëve shpërthyese dhe municionit” “Kanosja”, “Prishja e qetësisë publike” të kryera në bashkëpunim.
30-vjeçari me precedent të mëparshëm penale në krimet kundër jetës/armëmbajtjes pa leje.
Shërbimet e Komisariatit të Policisë Vorë në bashkëpunim me Forcën e Posaçme “Shqiponja”, bazuar në informacionet e marra nga inteligjenca policore dhe pas një pune të mirorganizuar, lokalizuan, kapën dhe ndaluan në kuadër të operacionit policor “Over” shtetasin e shpallur në kërkim kombëtar:
A. C., 30 vjeç, banues në Vorë.
Ndalimi i tij u bë pasi Gjykata e Tiranës ka caktuar masën e sigurisë “Arrest me burg” për veprat penale “Mbajtja pa leje dhe prodhimi i armëve, municionit dhe armëve shpërthyes”, “Kanosje” dhe “Prishja e qetësisë publike” e kryer në bashkëpunim.
Ky shtetas, në bashkëpunim me shtetasin L. L., në tetor të 2023, në Domje, pas një konflikti për motive të dobëta, ka qëlluar me armë zjarri në drejtim të banesës së 2 shtetasve(vëllezër).
Materialet procedurale do t’i kalojnë Prokurorisë, për veprime të mëtejshme.
