Një ngjarje tragjike është shënuar mëngjesin e sotëm në plazhin e Velipojës, ku një 81-vjeçar ka humbur jetën rreth orës 09:30. Viktima është identifikuar si Gjon Rroku, banues në fshatin Gur i Zi.
Sipas njoftimit të Policisë, dyshohet se shkak për vdekjen e të moshuarit është bërë një arrest kardiak.
Njoftimi i Policisë:
Informacion paraprak/Rreth orës 09:30, në plazhin e Velipojës, shtetasi Gj. Rr., 81 vjeç, banues në fshatin Gur i Zi, sapo ka hyrë në det, dyshohet se ka pësuar arrest kardiak dhe si pasojë ka humbur jetën.
Grupi hetimor vijon punën për sqarimin e plotë të rrethanave të rastit.
