Janë publikuar pamjet e momentit kur 14-vjeçari Kosta.K vrau 8 bashkëmoshatarët e tij dhe rojen e një shkolle në Beograd. Në pamje shihet qartë teksa i mituri futet në klasë ku nxënësit po zhvillonin normalisht mësimin dhe fillon të qëllojë me armë mbi ta.
Ajo çfarë bie në sy është shënjestëra e 14-vjeçarit dhe mënyra e mbajtjes së armës. Ashtu si dhe shihet në video një prej shokëve të tij Kosta e ka vrarë me një plumb në kokë.
Kujtojmë se ngjarja e rëndë ndodhi më 3 Maj të këtij viti ku Kosta. K me armën e babait të tij hapi zjarr në shkollën ku studionte.
Ai vrau 9 persona, 8 nxënës dhe rojen, ndërsa mediat serbe raportuan se mbi 15 të tjerë mbetën të plagosur.
KUJDES PAMJE TË RËNDA
Menjëherë pas ngjarjes së rëndë ai mori në telefon policinë ku dhe rrëfeu për krimin që kishte kryer. Forcat serbe vunë në pranga të miturin, gjithashtu edhe prindërit e 14-vjeçarit.
Por Beogradi nuk gjeti qetësi me kaq, brenda dy ditësh një vrasje masive. Një 21 vjeçar qëlloi për vdekje 8 persona në një fshat pranë Beogradit.
Me një aksion të gjerë të premten në mëngjes (05.05), policia serbe arriti të vendosë në pranga, 21 vjeçarin, i cili në një fshat pranë Beogradit, Mladenovc vrau 8 persona para mesnatës. 21 vjeçari pas një grindjeje me dy persona në fshatin Dubona, 50 km. në jugperëndim të Beogradti ka qëlluar me automatik drejt një grupi njerëzish. 8 vetë janë vrarë, më shumë se 10 të tjerë janë plagosur, sipas njoftimeve të Ministrisë së Brendshme në Beograd. Ministri i Brendshëm serb, Bratsilav Gasiç e quajti “akt terrorist” vrasjen.
