Është bërë publik momenti i ekzekutimit të 31-vjeçarit Tauland Gjikaj mesdietën e sotme në Vlorë. Ngjarja ka ndodhur në rrugën “Transballkanike” ndërsa i riu është qëlluar me breshëri plumbash. ABC News ka publikuar pamjet ku shfaqen dy persona që dalin nga një makinë dhe i drejtohen shënjestrës, ndërsa i treti është në timon.
Personat që zbresin nga makina janë të pamaskuar dhe duket se janë të rinj në moshë. Një prej tyre i drejtohet përballë Gjikajt, ndërsa pas tij qëndron një tjetër që zbraz armën.
Djali I ish-policit ka rënë në tokë pas plumbave dhe ka tentuar të nxjerrë armën nga brezi, por autorfët janë larguar me shpejësi. Gjatë largimit një prej tyre rrezikon të mbetet në vendngjarje pasi shoferi i jep gaz makinës me shpejtësi.
Gjikaj u dërgua në spital me urgjencë, por nuk mundi t’i mbijetonte plagëve të marra. Policia njoftoi më herët se arrestoi një nga autorët e dyshuar të ngjarjes, Hans (Andi Jonuzaj), të cilit iu gjet në makinë edhe një armë tip kallashnikov e cila dyshohet të jetë përdorur për krimin.
Tauland Gjikaj ishte djalë i një ish-polici. Ai kishte pasur precedentë të mëparshëm penal, pasi ishte arrestuar më parë për plagosjen e tre personave në bashkëpunim. Policia i gjeti atij në brez edhe një armë zjarri tip pistoletë. Gjatë kontrolleve në vendngjarje.
https://youtu.be/EO5DCMMF14Y
