Pak ditë më parë u bë me dije emri i kandidatit të parë që mund të drejtonte Byronë Kombëtare të Hetimit(BKH).
Bëhet fjalë për Adnan Xholin(Lexo më shumë).
Së fundmi, bëhet me dije se Prokuroria e Posaçme SPAK ka ngritur komisionin që do të vlerësojë kandidatët, të cilët do garojnë për detyrën e drejtuesit të BKH.
Gazeta ‘ Tema’ bën me dije se komisioni vlerësues përbëhet nga kryeprokurori i SPAK, Arben Kraja si dhe dy prokurorët e posaçëm Eneid Nakuçi dhe Behar Dibra.
Megjithatë, thuhet se vota vendimtare për përgjedhjen është ajo e kreut të SPAK, kryeprokurorit Kraja.
10 ditëshin e parë të janarit, pasi të mbyllet rregullorja, do të çelet gara për BKH.
Kushtet që duhet të plotësohen për të marrë pjesë në garën për drejtues të BKH janë :
– të ketë formim profesion master,
-eksperiencë si prokuror apo Oficer i Policisë Gjyqësore si dhe
-eksperiencë së paku 5 vite me dosje të krimit të organizuar e korrupsionit.
Më tej komisioni Kraja, Dibra dhe Nakuçi do zhvillojnë intervistimin e garuesve në prani edhe të ndërkombëtarëve.
Byroja Kombëtare e Hetimit do të jetë struktura mbështetëse e Prokurorisë së Posaçme Antikorrupsion, që do të hetojë korrupsionin në nivelet më të larta të zyrtarëve, por dhe veprat që janë kryer nga grupet e strukturuara kriminale.
Kjo strukturë do të përbëhet nga një drejtor dhe një ekip oficerësh të policisë gjyqësore.
