Departamenti Amerikan i Shtetit ka reaguar sërish në lidhje me vendimin për të ndaluar hyrjen në SHBA të ish-presidentit dhe ish-kryeministrit të Shqipërisë, Sali Berisha.
Për gazetën shqiptaro-amerikane “Illyria”, zyrtari i Departamentit të Shtetit u shpreh se Sekretari i Shtetit ka në dispozicion informacione të besueshme që kanë lidhje me përfshirjen e Sali Berishës në korrupsion të ndjeshëm. Ndër të tjera, ai tha se Berisha ka ndërhyrë dhe në proceset politikë si dhe ka shpërdorur fondet publike në Shqipëri.
“Informacion të besueshëm lidhur me përfshirjen e Berishës në korrupsion të ndjeshëm dhe përpjekje për të ndërhyrë në proceset publike si dhe shpërdorim të fondeve publike në Shqipëri”.- tha zyrtari amerikan, i cili nuk vendosi që të tregonte identitetin e tij.
Në fund ai tha se SHBA nuk do të angazhohet me individë të korruptuar si Berisha” që të mos përfitojnë mbështetje dhe kredibilitet.
Çfarë ndodhi dje?
Ish-kryeministri Sali Berisha u shpall non-grata nga Departamenti Amerikan i Shtetit bashkë me familjen e tij. Lajmi u dha nga Sekretari Amerikan i Shtetit, Anthony Blinken, i cili njoftoi ditën e djeshme zyrtarisht se Berisha ka minuar demokracinë dhe se gjatë ushtrimit të detyrës së kryeministrit është përfshirë në afera korruptive dhe ka pasuruar aleatët e tij politikë.
Edhe pse nuk jep emra, DASH thekson se ka nevojë për një hetim të plotë në Shqipëri. Gruaja Liria, vajza Argita dhe djali, Shkëlzeni janë të prekur nga vendimi DASH, si persona të papërshtatshëm për të hyrë në SHBA. Vetë Berisha e ka konsideruar të pabazë këtë vendim duke kërkuar që SHBA-të të bëjnë publike çdo provë që kanë kundër tij.
