“Pse sheh?” Zbardhet dinamika e përplasjes me armë në qytetin e Korçës, si u shmang tragjedia

Google+ Pinterest LinkedIn Tumblr +

Ditën e djeshme u raportua për një përplasje me armë në qytetin e Korçës, ku u përfshinë dy vëllezër me dy shtetas të tjerë dhe së fundmi Shqiptarja.com ka bërë të mundur zbardhjen e dinamikës së ngjarjes.

Sipas saj, dy vëllezërit me iniciale V.X. dhe K.X. kanë shkuar të armatosur për tu konfliktuar me shtetasit Vioanë Beqiraj dhe Roi Rizvani.

Sipas policisë, ngjarja ka ndodhur për një motiv banal, shumë të përhapur në vendin tonë, i ashtuquajturi ‘pse më sheh’ prej të cilit kanë ndodhur jo pak sherre.

Fillimisht në konflikt u përfshi V.X. dhe shoku i tij, Enrik Metushi dhe pas ofendimeve me fjalë fyese ata janë larguar dhe më pas në vendin e ngjarjes V.X. është rikthyer me vëllain e tij K.X.

Pasi kanë kontaktuar Vionë Beqiraj dhe Roi Rizvani, K.X, ka nxjerrë nga brezi një armë zjarri tip pistoletë dhe ja ka drejtuar Vioanë Beqiraj, i cili është sulur me vrap drejt K.X dhe të dy së bashku janë përleshur me njëri-tjetrin.

Më pas K.X e ka goditur me tytë pistolete dhe ka mbushur armën e ia ka drejtuar sërish, janë përleshur të dy dhe arma që mbante në dorë K.X, ka qitur një plumb të vetëm, që kapi asfaltin e rrugës ku po konfliktoheshin fizikisht, dhe plumbi ka kaluar shumë pranë këmbëve të tyre.

Ndërkohë, vëllai tjetër V.X., po konfliktohej fizikisht me shokun e Beqirajt, Roi Rizvani.

Pas ngjarjes, vëllezërit kanë hipur në një automjet tip “Fiat” ngjyrë gri dhe janë larguar me shpejtësi, duke u shpallur në kërkim dhe ndaj tyre është ngritur akuza e “Vrasjes me dashje” mbetur në tentativë dhe “Mbajtjes pa lejë të armëve luftarake”.

Vioanë Beqiraj, shoku i tij Roi Rizvani pas ekspertimit mjeko-ligjor rezultojnë se kanë dëmtime në syrin e djathtë dhe në qafë, ndërsa autorët janë ende në kërkim.

Shpërndaje
Share.

Komento