PS mbledh grupin parlamentar. Zbardhen detajet, nga mungesa e Edi Ramës te vendimet që u morën

Google+ Pinterest LinkedIn Tumblr +

Partia Socialiste ka mbledhur sot grupin parlamentar në orën 16:00.

Mbledhja ka qenë e shkurtër dhe u kryesua nga Taulant Balla.

Kreu i PS, Edi Rama, ka munguar në mbledhje pasi ndodhet në një vizitë zyrtare në Kiev të Ukrainës, në kuadër të kryesimit të OSBE nga Shqipëria.

Bëhet me dije se grupi parlamentar i PS do t’i propozojë Kuvendit Milva Ikonomin si kryetare të Komisionit Parlamentar të Ekonomisë.

Më herët këtë post e ka mbajtur Arben Ahmetaj, por tashmë ai është emëruar ministër për Rindërtimin.

Po ashtu, informacione jozyrtare bëjnë me dije se në mbledhje është propozuar zgjedhja e kryetarit të Institutit të Lartë të Drejtësisë, që do të votohet në seancën plenare.

Sot rreth orës 17:00 do zhvillohet seanca plenare, duke nisur sesionin e ri parlamentar.

Shpërndaje
Share.

Komento