Protestuan para Rafinerisë në Ballsh, procedohen penalisht tetë persona

Google+ Pinterest LinkedIn Tumblr +

Policia ka proceduar ditën e sotme 8 naftëtarë që morën pjesë në protestën e djeshme të zhvilluar në Rafinerinë e Naftës në Ballsh.

Sipas policisë këta persona, organizuan dhe morën pjesë në protestë të paligjshme si edhe kanë thyer Urdhërin Nr.351 datë 29.06.2020 pika nr. 4 të Ministres së Shëndetësisë mbi masat ndaj pandemisë Covid- 19.

Naftëtarët e Ballshit tentuan dje që të futen në Uzinën ku punojnë, pasi kompania që administron Uzinën nuk u ka dhënë pagat e prapambetura si dhe nuk ka nisur sërish procesin e punës sipas premtimit të dhënë.

Punonjësit e Uzinës kanë mbi 11 paga të pamarra ende, dhe i kanë lënë ultimatum kompanisë që t’ju jepen pagat pasi në të kundërt nuk do të fillonin punën.

Njoftimi I policisë 
Mallakastër

Organizuan dhe morën pjesë në protestë të paligjshme si edhe kanë thyer Urdhërin Nr.351 datë 29.06.2020 pika nr. 4 të Ministres së Shëndetësisë mbi masat ndaj pandemisë Covid- 19, procedohen penalisht 8 persona.

Specialistët për Hetimin e Krimeve në Komisariatin e Policisë Mallakastër, në përfundim të veprimeve të kryera në lidhje me protestën e paligjshme të zhvilluar ditën e djeshme para hyrjes kryesore të Ndërmarjes së Përpunimit të Thellë të Naftës në Ballsh, proceduan penalisht 8 persona për veprën penale “Organizimi dhe pjesëmarrja në grumbullime e manifestime të paligjshme”.

Materialet i kaluan Prokurorisë pranë Gjykatës së Shkallës së Parë Fier për veprime të mëtejshme procedurale.

Shpërndaje
Share.

Komento