Marina Ovsyannikova, redaktore në Channel 1 të kontrolluar nga shteti, u arrestua pasi u shfaq në studio duke mbajtur një tabelë që thoshte “jo luftë”.
Gazetarja ruse është gjobitur dhe liruar pasi protestoi kundër luftës në Ukrainë gjatë një programi televiziv në transmetim të drejtpërdrejtë dhe bëri një video kundër luftës.
Por mesa duket të gjitha peripecitë dhe revolta e gazetares, i vlejti jo vetëm për t’u rebeluar kundër luftës në Ukrainë, por edhe për karrierën e saj profesionale.
Gazetarja që organizoi një protestë kundër luftës gjatë programit më të ndjekur të lajmeve në Rusi, është punësuar nga gazeta gjermane Die Ëelt.
Marina Ovsyannikova u bë titull kryesor pasi vrapoi në sheshxhirimin e Vremya të Channel One duke mbajtur një tabelë ku shkruhej: “Jo luftë, ndalo luftën, mos i beso propagandës, ata po të gënjejnë”.
Ajo u ndalua për 14 orë dhe përfundimisht u gjobit me 30,000 rubla (214 £; 280 dollarë).
Por pavarësisht rrezikut të mundshëm të ndjekjes penale të mëtejshme, redaktorja 43-vjeçare vendosi të qëndrojë në Rusi, ku tani do të jetë një korrespondente e pavarur për Die Ëelt “duke raportuar nga Ukraina dhe Rusia, ndër të tjera”.
Në një deklaratë, Ovsyannikova tha se ajo kishte marrë rolin e ri sepse gazeta “mbron atë që po mbrohet me kaq forcë nga njerëzit e guximshëm në terren në Ukrainë tani: lirinë”.
