Banorët e lagjes “5 Majit” në Tiranë, të prekur nga projekti i rindërtimit kanë zhvilluar një protestë para Parlamentit, ku i janë bashkuar edhe banorët e Laprakës.
Protestuesit i janë afruar hyrjes së parlamenti, po janë penguar nga policia. Nga ana e protestuesve është kërkuar që policia të bashkohet me ta.
Ata kanë kërkuar që gjithçka të bëhet transparentë dhe të dokumentohet përmes noterizimit, hapësira e banimit dhe koha se kur ata do të marrin shtëpitë e reja, pasi ata kanë theksuar se nuk kanë asnjë informacion, raporton Ballkan Web.
‘Po shkatërrohen 1500 familje. Janë edhe 1500 të tjera në Laprakë, çfarë o të ndodhë me këta. Ty të kanë vjedhur lekët e çizmeve, në dimër t’i ke ftohtë. Kemi dalë në dhe kemi protestuar për ju’, shprehet një qytetar ndërkohë që konfliktohet me policinë.
Protestes i jane bashkuar edhe deputetët, Flamur Noka, Albana Vokshi, Belind Këllici dhe ish deputeti Balliu.
Kujtojmë që më herët disa prej banorëve në lagjen “5 Maji” në Tiranë të cilat janë prekur nga aksioni i IKMT për të shembur godina në kuadër të procesit të rindërtimit e kanë kaluar jashtë mbrëmjen e djeshme.
Ata janë shprehur se nuk do të largohen derisa të marrin banesë me të drejta të plota pronësie dhe refuzojnë të futen në banesa sociale.
