Qeveria ka vendosur që edhe këtë fundjavë vendi të mbyllet, duke ndjekur të njëjtën logjikë me të cilën ka vepruar përgjatë gjithë epidemisë, duke vendosur fasha orare e duke ndërprerë çdo aktivitet të dielën.
Mirëpo, shumë njerëz janë kundër këtyre masave pasi nuk e shohin të arsyeshme mbylljen vetëm në fundjavë, teksa për biznesmenët kjo përkthehet në humbje dhe thelllim të krizës.
Ditën e sotme janë ngritur në protestë pronarët e lokaleve dhe bizneseve në Berat, pasi kundërshtojnë vendimin e qeverisë për mbylljen e aktiviteteve në fundjavë.
Ata i kanë bërë thirrje Edi Ramës, që të heqë këtë masë për fundjavën, pasi rrezikojnë të familmentojnë raporton Dosja.al.
“Jemi gati që nëse na sillni një shkrese e mbyllim. Të gjitha bizneset janë të hapura nuk marim për bazë njofimin e fb që shkruan Kryeministri . Po falimentojmë nëse vazhdojme kështu. Po paguajmë qeranë, punëtoret taksat etj dhe nuk mund t’ja dalim dot me pesë ditë pune. Berati eshte zone e gjelbërt dhe duhet te jete e hapur çdo dite e natë , nuk jemi zone e kuqe që t’i mbyllim bizneset. Sipas pronareve të bizneseve kërkojne heqjen e fashës se orarit për fundjavën”, shprehen binezmenët.
Foto nga protesta
Ndërkohë, Policia sot ka mbyllur me forcë çdo lokal që ka gjetur hapur.
Vlen të theksohet se këto biznese kanë qëndruar mbyllur për 2 muaj dhe goditja e koronavirusit ka qenë e fuqishme dhe ka lënë pasoja të shumta.
Disa ditë më parë Enri Jahaj kreu i shoqatës së Bareve dhe Restoranteve është shprehur se protokolli i përcaktuar nga qeveria është i paqartë dhe kërkon shumë kosto.
Sipas tij, restorantet dhe baret me masat e marra të do punojnë me 25% të kapacitetit të mëparshëm, teksa shton se vetëm një dezinfektant kushton nga 5000 lekë deri në 750 euro dhe “në këtë situatë që jemi, sigurisht nuk mund të zgjedhim më të shtrenjtin”.
LEXO: Ne mezi po presim të hënën, por baret dhe restorantet nuk janë gati për t’u hapur
Kujtojmë se një ditë më parë dhjetëra qytetarë, aktivistë protestuan kundër mbylljes së parkut të liqenit në Tiranë, duke kaluar kordonin e Policinë dhe duke u futur në park, ku nuk munguan edhe akzuat ndaj Ramës.
