Në një deklaratë të nisur për grevën e kontrollorëve ajror të Aeroportit të Rinasit, presidenti Ilir Meta ka përfunduar të flasë edh në lidhje me protestta për vrasjen e Klodian Rashës dhe reperin Stresi. Meta ka thënë se kur Rama e akuzonte për organizim protestash, ai ishte në rezidencën e Presidentit i infektuar me Covid-19. Presidenti ka thënë se nuk ka folur në atë kohë sepse nuk donte të përfshihej më shumë.
“Kur persona të papërgjegjshëm që ai motivon për dhunë, policinë, vranë Klodian Rashën. Stresi me një thirrje i rrëzoi gjysmën e qeverisë dhe ai më akuzonte mua për organizim të të miturve. Ai e dinte shumë mirë që unë isha në rezidencën e Presidentit me Covid-19. Nuk fola sepse nuk doja që të përfshihesha, duke qenë se shumë njerëz…vuajnë edhe sot nga Covid-19”, ka thënë Meta.
Në lidhje me grevën e kontrollorëve presidenti tha se paga duhet të jetë sa vendet e rajonit në mënyrë që siguria kombëtare të mos cenohet. Ai i ka bërë ftesë ambasadorëveqë të bëjnë një konferencë online për të gjetur një zgjidhje.
“Siç iu kam thënë edhe kontrollorëve, për shkak të pandemisë, duhet të jeni realist tek zgjidhja. Paga sa vendet e rajonit duhet të japim, që siguria kombëtare të mos cenohet. Tensioni është marrëzi. Ftoj ambasadorët e huaj që të bëjmë konferencë online dhe të gjejmë zgjidhje”, tha Meta.
