Ashtu siç paralajmëruan, studentët kanë nisur grumbullimin dhe marshimin,duke shmangur Kryeministrinë dhe duke iu drejtuar Ministrisë së Arsimit.
Protesta e nisur prej disa ditësh, sot përshtatet edhe me 8 dhjetorin, Ditën e Rinisë.
Studentët vazhdojnë të bëjnë thirrje se nuk duan përzierje politike dhe që do i shkojnë deri në fund, derisa kërkesat e tyre të plotësohen.
Nuk dihet akoma se si do të vijojë protesta e studentëve por sipas tyre, është e sigurtë që nuk do të ndalojnë. Studentët u bëjnë thirrje të gjithëve të çohen dhe të bashkohen me ta, por duke përjashtuar politikën.
Sipas disa nga protestuesve, mendohet që protesta mund të kalojë edhe në një grevë urie, por nuk është vendosur akoma.
Jo vetëm studentë, por bashkë me ta, ka edhe prindër të tyre të cilët kanë dalë të protestojnë.
(Panorama)
