Ashtu siç ishte paralajmëruar nga opozita, ditën e sotme është mbajtur protesta e radhës kundër qeverisë.
Që në nisje të saj, protestuesit janë përplasur me policinë përpara Ministrisë të Brendshme duke shkaktuar momente tensioni.
Nën thirrjet “Rama ik”, së bashku me ta kanë tentuar të bashkohen edhe protestuesit e Unazës së Re, por nuk janë lejuar nga policia që të kalojnë përmes pedonales që lidh Ministrinë e Brendshme me parlamentin ku sot mbahet seanca plenare.
Mes tyre ka qenë dhe deputeti Klevis Balliu, ndërkohë që raportohet se në terren janë 1300 forca policie.
Sakaq, mësohet se kryetari i Partisë Demokratike, Lulzim Basha, nuk ka qenë prezent në protestë ditën e sotme për shkak të disa takimeve në Gjermani, ndaj ia ka lënë në dorë organizimin FRPD-së.
Burimi: Balkanweb
