Pas dy orësh e gjysmë përfundon protesta kundër prishjes së Teatrit Kombëtar.
Tubimi i radhës është vendosur për t’u mbledhur sërish të mërkurën, në orën 17:30, pasi nesër nuk do të mbahet asnjë protestë sepse besimtarët myslimanë do të festojnë Natën e Kadrit, një natë e shenjtë për ta.
Kryetari i Partisë Demokratike, Lulzim Basha ka deklaruar se protesta para Ministrisë së Brendshme ka provuar që opozita nuk trembet dhe se fundi i Ramës do të jetë dërrmues, teksa ripremtoi ndërtimin e Teatrit Kombëtar.
“Opozita do të jetë në krah të qytetarëve. Siç e patë sot dhe e pa e gjithë Shqipëria, frika ndaj barbarisë do të shuante protestën. Ka 7 vite që luan me fatin e tyre dhe Kushtetutën e vendit. Fundi do të jetë i shpejtë dhe dërrmues. I qëndroj kontratës me aleancën për të rindërtuar teatrin. Përgjegjësit do të çohen para ligjit.”-tha Basha.
I pyetur prej gazetarëve se a do të lejohet ndërtimi i Teatrit të ri nga opozita, Basha tha: Milionat e eurove nuk do t’i gëzojnë ta dish këtë. Shqiptarët do të bashkohen. S’do të ketë më një aferë tjetër. Bashkë me betejën për demokraci do t’ju rikthejmë shqiptarëve paratë e tyre.
