Në protestën që u mbajt sot në Himarë për lirimine Fredi Belerit nga burgu ishte prezent edhe avokati Ylli Manjani.
Ai paralajmëroi kryeministrin Edi Rama, duke i bërë thirrje që të mos bëjë shkak me nervin e himarjotëve. Gjithashtu Manjani u shpreh se nuk bëhet fjalë vetëm për Belerin, por për demokracinë dhe vullnetin e lirë të shqiptarëve.
“Nuk bëhet shaka me nervin e himarjotit. Rama e ka gabim që luan me nervin e himarjotit se do e ketë me keq se ai i gjermanit. Nuk është çështja vetëm për Belerin, por është fjala për demokracinë, për ju, për vullnetin e lirë. Si është e mundur që në vitin 2023 gjunjëzojnë vullnetin e lirë? Edhe mua s’më pëlqen Rama, por është kryeministër. Pse me të pëlqyer është kjo punë? Kjo është një ngjarje e rëndë juridike për shtetin shqiptar. E arrestuan me pretendimin se u kap në flagrancë dhe unë e kam parë atë letër dhe nuk është e tillë. E dini kush ehte kapur në flagrancë? Policia e Shtetit, që gjet dëshmitarë fals. Gjetën hallexhiun fals, por e mëshirojmë atë se nga halli e ka bërë”, u shpreh Manjani në protestë.
Del me barrelë një person nga godina ku po mbahet takimi i Ramës
Një person është nxjerrë me barrelë nga ndërtesa ku po zhvillohet takimi i kryeministrit Edi Rama me shqiptarët. Pamjet tregojnë...
