Tashmë vetëm dy ditë na ndajnë nga protesta e paralajmëruar e opozitës dhe Jorida Tabaku ka dhënë disa detaje të reja rreth saj.
Nga studio e ABS News, Tabaku ka thënë se protesta do të ketë “forcën e numrave”.
“Protesta do nisi në 11 dhe do mbarojë kur të shikohet e arsyeshme se mbaron. Nuk do jetë 1 orë ose dy orë, nuk do ketë fjalime”.
Mirëpo sigurisht me rëndësi të veçantë është të dimë nëse do të jenë të tolerueshme aktet e dhunës, ku Tabaku ka thënë se PD-ja ka për të ardhur në pushtet me zgjedhje të lira dhe jo me dhunë, por gjithsesi nuk përjashtoi si mundësi që mund të ketë irritime.
“PD nuk merr me forcë asgjë, PD vjen në pushtet me zgjedhje të lira dhe të ndershme. Nuk di se çdo ndodhë me njerëzit e irrituar. Ne protestojmë me forcën e numrave. Ne nuk do bëjmë kurrë asgjë, nëse kordoni i policisë hapet vetë dhe njerëzit e irrituar mund të kenë ballafaqim momental është jashtë kontrollit të çdokujt”.
Sa i takon zërave për ngritje të një çadre të opozitës, Tabaku theksoi se PD nuk do të sjellë diçka që është sjellë në të shkuarën.
Deri tani edhe autoritet kanë marrë masat për protestën, ku sheshi para Piramidës është rrethuar me skela, ndërsa një strukturë mbrojtëse është krijuar dhe në derën qendrore të Kryeministrisë.
