Deputeti i Partisë Demokratike, Saimir Korreshi, ka komentuar aksionin e opozitës dhe protestën e paralajmëruar në datën 23 dhjetor.
Gjatë një komunikimi të drejtpërdrejtë në studion e News24, Korreshi ka theksuar rëndësinë e pjesëmarrjes së liderit historik të PD-së, Sali Berisha, i cili pritet të rikthehet në qendër të organizimit të protestës.
“Deri më tani dihet vetëm data e protestës. Me rikthimin e zotit Berisha, mendoj se do të ketë edhe më shumë njerëz, për vetë efektin e pjesëmarrjes së tij dhe udhëheqjes fizikisht të saj,” ka deklaruar Korreshi.
Ai theksoi se mbështetësit e opozitës janë të motivuar dhe se nuk beson që data e protestës, një ditë para vigjiljes së Krishtlindjeve, do të ndikojë negativisht në pjesëmarrje.
“Ka njerëz që për shkak të situatës së vështirë ekonomike nuk mund të festojnë. Protestohet për një buxhet më të mirë, për pensionistët, për arsimin, për mjekësinë, etj,” shtoi ai.
Korreshi ka folur edhe për situatën politike në vend, duke akuzuar mazhorancën se ka degraduar çdo standard demokratik dhe se shumica e politikanëve të qeverisë janë përfshirë në skandale të shumta.
“Nuk ka ngelur politikan i kësaj mazhorance pa dalë në SKYECC,” tha ai.
Për sa i përket mundësisë për krijimin e një qeverie teknike, Korreshi ka shprehur besimin se protesta e opozitës, bashkë me presionin ndërkombëtar, mund të çojë në një reflektim nga ana e mazhorancës.
“Mendoj se në këto kushte, kjo zierje e kazanit, ndoshta edhe presioni përmes rezolutave ndërkombëtare në favor të PD, do të ketë një reflektim për vendosjen e qeverisë teknike,”
