Ka nisur seanca në Gjykatën e Apelit për 19 të arrestuarit në kuadër të protestës opozitare të 16 Shkurtit.
Mes të arrestuarve është edhe ish-kreu i INUV, Florenc Hoxha.
Ndërkohë Gjykata e Apelit pritet të rivlerësojë masën e sigurisë për secilin prej tyre.
Sipas gjykatës, personat e dyshuar nuk i kanë firmosur ankimimet dhe kjo mund të sjellë pavlefshmërinë e tyre. Por avokatët e tyre pretendojnë se kanë pasur tagrin për të bërë ankim, megjithëse gjykata thotë se ankimi duhet firmosur nga vetë personi nën hetim.
Për 11 protestuesit të cilët janë nën masën e sigurisë, “arrest shtëpie” apo “detyrim paraqitje” prokuroria ka paraqitur ankim dhe kërkon kthimin e tyre në burg.
Prokuroria ka ngritur akuzën ndaj tyre për veprën penale të ‘kundërshtimit të punonjësit të policisë’, ‘goditje për shkak të detyrës’, ‘shkatërrim i pronës’ dhe ‘ prishje të rendit publik’.
