Bujar Lika ( Hasani) dhe Paulin Gjergji ( Markaj) ishin dy persona të njohur në botën e biznesit.
Sipas “Dosja.al”, Bujar Lika ka pasur në pronësi lokalin “Dea Cafe” në ish-Bllok, të cilin e kishte lënë në emrin e të motrës, Ardiana Toqi.
Dyshohet se vrasja mund të ketë ndodhur për ndonjë pazar të prishur në bisnes, megjithatë mbetet për t’u konfirmuar nga policia.
Markaj ishte pronar i kazinosë “Vegas” në zonën e ish-Bllokut, në Tiranë.
Ajo që rrit dyshimet, është fakti se Markaj e ishte blerë këtë kazino nga ish- deputeti demokrat i Lezhës, Mhill Fufi.
Nga informacionet e deritanishme bëhet me dije se Bujar Lika ka qenë i përfshirë në vrasjen e 2015 në zonën e Linzës ku në parkingun e një restoranti u ekzekutua me plumb në kokë, Enton Nikaj.
Kjo ka bërë që policia të ngrejë si pistën kryesore të hetimit, një hakmarrje për ngjarjet e së shkuarës.
Lika në 2016 mundi të sigurojë pafajsinë nga gjykata e Apelit lidhur me vrasjen e Nikajt.
Lika njihej po ashtu edhe për lidhje të forta miqësore me kreun e një grupi kriminal kryesisht në fushën e lojrave të fatit.
Deri më tani policia ka shoqëruar të paktën 30 persona të dyshuar që mund të lidhen me ngjarjen.
