Projekti i qeverisë për Universitetet/ Zbardhet data e zgjedhjeve, gati platforma “Anti-plagjiaturë”

Google+ Pinterest LinkedIn Tumblr +

Ministrja e Arsimit, Besa Shahini njoftoi ditën e sotme datën 8 maj 2020, për mbajtjen e zgjedhjeve nëpër Universitete. Ajo u ndal te rektori i UT, Mynyr Koni, për të cilin thotë se ka marrë shumë ankesa.

Sipas saj saj situata në UT nuk është përmirësuar.

Shahini shtoi, se ankesat vijnë si rezultat i refuzimit të zbatimit të urdhrave nga rektori.

“Kam marrë shumë ankesa nga Universiteti i Tiranë dhe se situata nuk është përmirësuar. Në nëntor ngrita një grup inspektimi dhe ata e bënë këtë punë në dhjetor, ku konkluduan se ankesat nuk vijnë ngaqë ka paqartësi në ligje apo urdhëra që nxjerrim ne, por vijnë si rezultat i refuzimit të zbatimit të tyre nga rektori. Shpresojmë që zgjedhjet 2020 do të prodhojnë udhëheqës që punojnë për të mirën e Universitetit”, deklaroi Shahini.

Kjo e fundit foli edhe për presidentit Ilir Meta, i cili nuk pranoi shkarkimin e Konit, duke thënë se po kundërshton çdo nismë të qeverisë.

Gjithashtu ministrja prezantoi edhe platormën “Anti-plagjiaturë”, që do të përdoret për të gjitha punimet shkencore.

Shahini tha se platforma do të përdoret fillimisht për kandidatët e zgjedhjeve në vitin 2020 dhe me pas për studentët.

“Është prezantuar platforma anti-plagjaturë dhe shumë shpejt do të jetë e përdorur për të gjitha punimet shkencore. Duam që praktika e kontrollit të aplikohet dhe tek sudentët dhe pedagogët. Të gjithë të keni mundësi ta përdorin që studentët të mësojnë se si bëhet një punim shkencor dhe të jenë gati për të bërë dhe një punim për doktoraturën. Blihet aksesti për softin dhe të gjithë universitetet do kenë qasje për përdorimin e softëare, do përdoret si fillim për kandidatët e zgjedhjeve në vitin 2020, dhe më pas do jenë për studentët, ku do kontrollohen të gjithë punimet”, u shpreh Shahini.

Shpërndaje
Share.

Komento