Me pretendimi se pallati është dëmtuar që prej tërmetiti të vitit 2019, IKMT ditën e sotme kërkon të shemb një tjetër ndërtesë të banuar në kryeqytet. Nga ana tjetër, IKMT ka hasur në rezistencën e banorëve, të cilët nuk pranojnë të lënë banesat e tyre. Konkretisht bëhet fjalë për 10 familje që jetojnë në një pallat 2-katësh në rrugën Margarita Tutulani, pranë shkollës Petro Nini Luarasi. Bnaorët janë shprehur për “News 24” se ata kanë fituar një gjyq.
Gjithashtu ata pohojnë se dëmet në pallat janë të riparueshme. Në vendin e ngjarjes ndodhet forca të shumta policore, ndërsa ka pasur dhe përplasje me banorët, të cilët refuzojnë të lënë banesat, ndërkohë që mes tyre ka dhe persona të sëmurë.
Ata pretendojnë se Bashkia nuk u njeh dokumentacionet mbi pronësinë dhe se nuk kanë asnhë informacion mbi atë që i pret nëse dalin nga shtëpitë.
“Ne kemi dokumentet që në vitin ’45. Kjo është tokë e italianit, kanë qenë të italianit këto. Ne kërkojmë që të mbarojë gjyqi. Një vit më parë e nxorrën DS5, pallati ishte mirë. Ishte në parametra më të mira se një pallat i sapo ndërtuar. E rrëzoi bashkinë dhe institutin që kishte bërë ekspertizën. Na kanë thënë dilni jashtë, edhe rusi në Ukrainë nuk i trajton njerëzit kështu. Jemi shumë të idninjuar. Të dy djemtë m’i kanë marrë në polici sot. Dilni jahstë thonë, vetëm kaq, pa asnjë argument”, shprehet një nga banorët.
