Drejtori i Drejtorisë Rajonale dhe Operatorit të Kujdesit Shëndetësor të Vlorës, Kujtim Llapi, u ka kërkuar të gjithë punonjësve dhe subjekteve tregtare, që të përdorin dorashka.
Llapi është shprehur se përdorimi i dorashkave është një masë që lidhet me higjienën dhe produktet në njësitë blerëse, jo vetëm tashmë që ka rrezik nga koronavirusi.
Sipas tij është një shqetësim i ngritur nga vetë qytetarët.
Më tej Llapi shtoi, se ekipet e kontrollit kanë zbritur në terren dhe kush konstatohet pa doreza do të gjobitet, ndërsa do të shkohet deri në mbyllje të aktivitetit.
Ndër të tjera ai bën me dije, se deri më tani janë regjistruar 6 të dyshuar me koronavirus, nga të cilët 3 kanë rezultuar negativ, ndërsa pritet përgjigja për tre të tjerët.
Deri më tani në vendin tonë nuk është konstatuar asnjë rast me koronavirus.
