Si në pesë ditët e tjera, edhe sot studentët kanë nisur ditën e tyre të gjashtë të protestës. Të bashkuar nga kryeqyteti dhe nga rrethet e tjera, janë akoma në këmbë duke protestuar dhe duke bokjotuar mësimin, derisa kërkesat e tyre të plotësohen.
Ata shprehen se janë shumë të pakënaqur nga reforma në arsim.
Studentët janë mbledhur para Korpusit dhe kanë nisur marshimin drejt Ministrisë së Arsimit ku do të protestojnë për të drejtat e tyre.
Ata kanë listuar 8 kërkesa të cilat i kanë dorëzuar Ramës dhe Ministrisë e Arsimit dhe kanë dhënë ultimatum deri të martën për plotësimin e kërkesave.
Nëse këto kërkesa nuk plotësohen, studentët janë shprehur se do ketë grevë urie.
Nga ana tjetër, kryeministri Rama ka lajmëruar dje përmes një statusi në rrjetin e tij social Facebook, që sot do jetë në një video live në orën 11:00 dhe i ka ftuar studentët për dialog.
Ndërkohë, studentët thonë që ata e kanë bërë të qartë se ska dialog dhe që asnjë mos të guxojë të shkojë të bëj dialog me të pasi ata nuk kanë përfaqësim, nuk duan të dalin në rrugë politike pasi janë aty për të drejtat e studentëve.
Një student i pyetur nga gazetari i News24 se ҫfarë do bëjnë kur kryeministri të jetë live, është shprehur se nuk e kanë vendosur akoma.
Gazetari i News24: Kryeministri ka thënë se në orën 11:00 do të dal Live në Facebook dhe kërkon dialog me ju. Ҫfarë do të bëni ju?
Studenti: Nuk e dimë, nuk e kemi vendosur, do ta vendosim spontanisht në moment.
