50 euro të gjithë atyre që janë infektuar në komunën e Prishtinës dhe 100 euro çdo pensionisti. Ky është vendimi i komunës së Prishtinës, që është njoftuar nga kryetari Shpend Ahmeti.
Ahmeti ka njoftuar edhe për shërbimet e tjera që do ua mundësojë Komuna e Prishtinës qytetarëve, përmes një postimi në Facebook.
“- 12000 telefonata të infektuarve
– mbi 10000 pako ushqimore e higjienike
– lirim nga pagesa për HoReCa për 1 vit
– lirim të qirasë
– shtyrje të pagesave për leje
– lirim nga pagesat për çerdhe
– 300 teste në dite për Covid
– 50 euro për shpenzime shëndetësore për çdo të infektuar, 100 për pensionistët
– 5 milion euro grante për biznese me qarkullim deri në 50,000 euro
– subvencione për artistë e sportistë”, janë shërbimet të cilat do të kryhen nga komuna, sipas Ahmetit.
Kryetari i Komunës së Prishtinës ka bërë me dije se ndihma do iu ofrojnë edhe grupeve të tjera deri në fund të vitit.
Ai ka falënderuar edhe këshilltarët e pavarur në Kuvendin Komunal të Prishtinës për shtyrjen përpara të këtij procesi, nëpërmjet votimit.
/GazetaReforma.com/
