Një 29-vjeçar shqiptar është arrestuar nga policia italiane, për ngacmim seksual.
Ky i fundit u denoncua nga disa studente në një provincë të Modenas.
Sipas mediave italiane, shqiptari iu afronte vajzave të reja në autobus.
Duke përfituar nga numri i madh i njerëzve shqiptari fillonte të prekte me duar vajzat, disa prej tyre edhe minorene.
Shqiptari i bënte këto veprime në mënyrë të përsëritur.
Ai madje hipte në autobus, në oraret kur studentet dilnin nga shkolla.
Pasi policia mblodhi dëshmitë e vajzave, bëri të mundur identifikimin dhe arrestimin e 29-vjeçarit.
Ky i fundit ka mohuar akuzat, por është tradhtuar nga kamerat e sigurisë.
Gjyakata e Modenas vendosi ta dënonte shqiptarin me “Arrest shtëpiak”.
Deri ditën e arrestimit, ai vijonte të ngacmonte vajzat në autobus.
