Gjykata e Tiranës do të vendosë ditën e sotme, nëse do të çojë për gjykim dosjen ndaj ish-kryebashkiakut të Vorës, Agim Kajmaku.
Ky i fundit ndodhet edne në arrati, edhe pse gjyqi ndaj tij vijon.
Avokati i Kajmakut është shprehur se klienti i tij nuk është larguar asnjëherë nga Shqipëria.
Hetimi ndaj Kajmakut nisi pas denoncimit të PD, për fshehje të dënimit në formularin e dekriminalizimit.
Pas hetimeve, Prokuroria e Përgjithshme doli në konkluzionin, se Kajmaku është dënuar në Greqi për falsifikim monedhash.
Gjithashtu ai ka përdorur emrin e rremë, Jorgo Toto.
Menjëherë pas verifikimeve, Komisioni Qëndror i Zgjedhjeve i hoqi mandatin Kajmakut.
Po në të njëjtën ditë, ky i fundit shkarkoi nga detyra dy nënkryetarët e Bashkisë së Vorës dhe vuri në këtë pozicion, Genti Picarin.
Ky veprim i Kajmakut ishte i paligjshëm, duke qenë se KQZ e kishte shkarkuar më parë nga detyra.
Për këtë arsye ndaj tij filloi ndekje penale për shpërdorim detyre.
Picari ndërkohë u shkarkua nga detyra pak ditë më parë, duke qenë se emërimi i tij është i pavlefshëm dhe i paligjshëm.
