Në prag të festave të fundvitit, ambasada shqiptare në Greqi ka bërë një njoftim të rëndësishëm për shtetasit shqiptar.
Ambasada njofton përmes një postimi në rrjetin social Facebook që me datë 28 dhe 31 dhjetor 2018 nuk do të mund të bëhen aplikime për pasaporta dhe as nuk do bëhet shpërndarja e tyre nga Zyra e pasaportave për shkak të mbylljes së procedurës të fundvitit për inventarizimin e tyre.
Duke uruar festat për gjithë shqiptarët, ambasada njoftoi se do të qëndrojë e mbyllur në datat 25-26 dhjetor 2018, si dhe 1-2 janar 2019.
“Ambasada e RSh në Athinë, njofton se më 28 (e premte) dhe 31 dhjetor (e hënë) 2018, nuk do të mund të bëhen aplikime për pasaporta si dhe shpërndarje të tyre nga Zyra e pasaportave, për shkak të mbylljes së procedurës të fundvitit për inventarizimin e tyre. Për veprime të tjera konsullore, Zyra konsullore do të funksionojë normalisht në datat e sipërpërmendura. Faleminderit për mirëkuptimin dhe Gëzuar festat!”– shkruhet në faqen zyrtare të ambasadës shqiptare në Greqi.
