Akuzat e SHBA ndaj Kinës se kjo e fundit ka fshehur numrin e viktimave nga koronavirusi duket se po marrin kuptim.
Reuters shkruan se 1,300 njerëz të vdekur nga Covid-19 në Vuhan, nuk u llogaritën në numrin e vdekjeve të raportuara nga qyteti kinez.
Së fundmi, numrit të përgjjithshëm të raportuar në fillim, 2,579, iu shtuan edhe 1, 300 persona të tjera me justifikimin se nuk janë përllogaritur për shkak të gabimeve të bëra nga agjencitë.
Kështu, numri total i të vdekurve nga Covid-19 në Kinë tashmë ka shkuar në 4,632.
Prej disa javësh fotot e radhëve të gjata të anëtarëve të familjes, të cilët prisnin të mbledhin hirin e të afërmve dhe raportet për mijëra urna të grumbulluar në një shtëpi funerali në pritje të plotësimit kanë ngjallur spekulime të shumta.
“Në fazën e hershme, për shkak të kapacitetit të kufizuar të spitalit dhe mungesës së stafit mjekësor, disa institucione mjekësore nuk arritën të lidhen me sistemet lokale të kontrollit dhe parandalimit të sëmundjeve në kohën e duhur, gjë që rezultoi në raportimin e vonuar të rasteve të konfirmuara dhe disa dështime për të llogaritur pacientët me saktësi, “- kanë thënë zyrtarët kinezë.
Dyshimet se Kina nuk ka qenë transparente për shpërthimin është rritur ditët e fundit ndërsa numri i vdekjeve rritet në shumë vende, përfshirë Shtetet e Bashkuara, me Presidentin Donald Trump të mërkurën duke shprehur skepticizëm për shifrën e vdekjes së deklaruar më parë të Kinës prej rreth 3,000 viktimash.
