Policia rrethon malin e Tomorrit, përplaset verbalisht me pronarët e firmave të gurit

Google+ Pinterest LinkedIn Tumblr +

Situata në guroret e malit të Tomorrit nuk ka ende një zgjidhje dhe kjo ka detyruar policinë, që të bllokojë të gjitha rrugët.

Siç raporton “Balkanweb”, prej orësh, kamionët e firmave të gurit por edhe turistët janë bllokuar në aksin Novaj-Tomorr.

Pronarët e firmave të guroreve edhe pse kanë fituar gjyqin në Gjykatën Administrative, sërisht nuk lejohen që të vijojnë punën.

Kujtojmë këtu se kjo gjykatë vendosi që mali i Tomorrit, të mos jetë “Park kombëtar”.

Pronarët e firmave ndërkohë, kanë akuzuar ministrin e Mjedisit, Blendi Klosi, se në mal po punon vetëm gurorja që ai ka në bashkëpunim me kreun e Bashkisë së Poliçanit, Adriatik Zotkajn.

Mësohet gjithashtu  se ditën e sotme, ka pasur një konflikt verbal midis policisë dhe pronarëve të firmave , që kërkojnë arsyetimin se përse policia nuk i lë të vazhdojnë punën.

Aktualisht në të gjithë malin janë shpërndarë 130 forca policie në 8 pika strategjike, duke bllokuar kamionët dhe turistët që duan të vizitojnë teqenë e Kulmakut.

Shpërndaje
Share.

Komento