Policia kufitare në Rinas, ka sekuestruar ditën e sotme 42 mijë paund të padeklaruara dy udhëtareve që vinin nga Britania e Madhe.
Gjatë kontrollit të ushtruar të pasagjerëve E.K dhe L.S, u gjendën të padeklaruara një sasi përkatësisht prej 10.000 paund dhe 31.850 paund.
Kujtojmë se vetëm gjatë muajit gusht, strukturat doganore në Aeroportin Ndërkombëtar të Rinasit në të njëjtën linjë udhëtimi, kanë kapur disa herë sasi valute “cash” të padeklaruar.
Njoftimi i Policisë:
Dogana sekuestron afro 42 mijë paund te padeklaruara në Rinas.
Strukturat Doganore gjatë kontrollit të ushtruar në bashkëpunim me punonjësit e Policisë Kufitare, sekuestruan një shumë prej 41.850 Paund Cash, të cilat ishin të padeklaruara në Degën Doganore të Rinasit.
Sipas raportimit të struktuarave doganore, gjatë kontrollit të pasagjerëve që vinin nga Britania e Madhe, kostatuan se shtetaset me inicialet E.K dhe L.S kishin të padeklaruara një sasi përkatësisht prej 10.000 paund dhe 31.850 paund, të cilat u sekuestruan në cilësinë e provës materiale.
Nga ana strukturave u kryen veprimet e para hetimore për veprën penale “Mosdeklarimi i të hollave në kufi dhe sendeve me vlerë” parashikuar nga neni 179.a i K.Penal.
Vetëm gjatë këtij muaji strukturat doganore, në të njëjtën linjë udhëtimi kanë kapur disa herë sasi valute cash të padeklaruar.
