Një shqiptar ka gjetur vdekjen në një aksident, në Torino të Italisë.
Viktima është 35-vjeçari Franko Gjinaj, i cili banonte në Cuneo.
Shqiptari u përplas për vdekje dy netë më parë, nga një makinë tip “Volkswagen”, teksa po kalonte rrugën.
Zona ku ndodhi aksidenti është e pandriçuar dhe zakonisht frekuentohet nga prostitutat.
Drejtuesi i makinës u largua menjëherë nga vendi i ngjarjes, ndërsa policia ka ngritur postblloqe në zonën përreth, për të bërë të mundur kapjen e tij.
Gjatë natës së aksidentit kishte një mjegull të fortë, çka vështirëson punën e policisë.
